Бұл туралы бүгін Үкімет отырысында ҚР Денсаулық сақтау министрі Алексей Цой айтты.
Коронавирус инфекциясына қарсы вакцинацияны жылдамдатуға қатысты Мемлекет басшысының тапсырмасын жүзеге асыру мақсатында 1 ақпаннан бастап ең алдымен вакцина қажет топтарға жататын тұрғындарға вакцина салуды бастау жоспарланып отыр. Коронавирустық инфекцияны жұқтыру және таралу қаупі жоғары медицина қызметкерлерін, педагогтерді, полицейлерді, сондай-ақ жүрек-қантамыр жүйесі, тыныс алу органдары, қант диабеті тарапынан созылмалы аурулары бар адамдарды, медициналық-әлеуметтік мекемелердің персоналы мен контингентін қоса алғанда, халықтың осал топтары коронавирустық инфекцияға қарсы тегін вакцинациялауға жатады. Кезең-кезеңмен салынған вакцина нәтижесінде жыл соңына дейін 6 миллионға дейін қазақстандыққа вакцина салу көзделіп отыр, — деді Цой.
Министр вакцинаның сапасын қамтамасыз ету үшін өндірушіден медицина мекемесіне жеткізілгенге дейін GDP стандарты тізбектің әр кезеңде жауапты маман болатынын жеткізді.
Бұған дейін Алексей Цой елдегі эпидемиологиялық-санитарлық ахуалға тоқталлған еді.
